CARTAN  

Cali-Dhuux Aadan

                         

Tixda 1-aad    Waxa la tiriyey 27-12-2002

CARTAN

 
  1. Dha'da gabay murtida aan, dhaabadayn jiraye
  2. Dhufays laga difaacaan u ahay, UDUB dhammaanteede
  3. Dhaliyiyo anaa gooliyoon, cidi i dhaafayne
  4. Waayahan dhirbaaxadii ma ridin, dhumucda weynayde
  5. Marse haddaan dufsado hootadoon, UDUB ku soo dhaato
  6. Rag waw dhiiri gelin qaranna waw, dhamac rasaaseede
  7. Ninkiise dhimanayaa haw dhintee, dhibic yar baan baanay
  8. Dharaartii codaynta iyo markii laysu, dhumuc sheegtay
  9. Markii laysku dhilay maalintay, dheeho ololaysay
  10. Car dhaca iyo dhacsada maalintay, talo dhanaanaatay
  11. Dhawr kunlaha barqaa laga diraa, laga dhaqaajaaye
  12. Yadoo loo dhan yahay goobahoo, dhinac kastaa joogo
  13. Dhudhun iyo codbaan ku diraye, layma soo dhurine
  14. Dhaqdhaqaaqa UDUB guulahuu, dhaliyey wee yaane
  15. Anna maan dhanabal mahadnaqiyo, talo u sii dhiibo
  16. Dhexda soo ma xidhan shicibku way, dhego nuglaayeene
  17. Miyey dhaban dhigeen jiifba way, kala dhaqaaqeene
  18. Dhagtii waaga goobaha markii, lagu dhammaanaayey
  19. Dhallinyariyo waayeel marbay, dhagac ka siiyeene
  20. cunto uma dhadhamin maalintaa, UDUB dhammaantiiye
  21. Dhaqdhaqaaqa UDUB guulahuu, dhaliyey weeyaane
  22. Anna maan dhanbaal mahadnaqiyo, talo u sii dhiibo
  23. Afrtaa dhadhami gabayga waa, lagu dhawaadaaye
  24. Dufays laga difaacaan u ahay, UDUB dhammaanteeye
  25. Dhaliye iyo anaa gooliyoon aan, cidi i dhaafayne
  26. Waayahan dhirbaaxadii ma ridin, dhumucda weynayde
  27. Marse haddaan dufsado hootadoon, UDUB ku soo dhaato
  28. Rag waw dhiiri gelin qaranna waw, dhamac rasaaseede
  29. Ninkiise dhimanayaa haw dhintee, dhibic yar baan baanay
  30. Yadoo gobolla aan lay dhaweyn, cidi i dhaadaynin
  31. Yadoo UDUB wada dhiidhiday kala dheg roonayde
  32. Saw Hargeysi taariikh ma dhigin, dhaxala may reebin
  33. Nimankii inaan lagu dhacayn, dhegaha loo saaray
  34. Dhawaaqii natiijada ayey, dhego barjoobeene
  35. Badhna dhoofe qaar kalne saw, dhiigkar kama qaadin
  36. Dhaqdhaqaaqa UDUB guulahuu dhaliyey weeyaane
  37. Anna maan dhanbaal mahadnaqiyo, talo u sii dhiibo
  38. Dheyel laguma helin guushu waa, hooyo dhididkeede
  39. Dhinac haween iyo rag, dhallinyarteeniiye
  40. Waa dhawaaq abwaaniyo ka kaca dhiirigelinteede
  41. Waa talada odayaashi dhigay, iyo dhaqaaliiye
  42. Dhaqdhaqaaq UDUB guulahuu, dhaliyey weeyaane
  43. Anna maan dhanbaal mahadnaqiyo, talo u sii dhiibo
  44. Afrtaa dhadhami gabayga waa, lagu dhawaadaaye
  45. Dufays laga difaacaan u ahay, UDUB dhammaanteeye
  46. Dhaliye iyo anaa gooliyoon aan, cidi i dhaafayne
  47. Waayahan dhirbaaxadii ma ridin, dhumucda weynayde
  48. Marse haddaan dufsado hootadoon, UDUB ku soo dhaato
  49. Rag waw dhiiri gelin qaranna waw, dhamac rasaaseede
  50. Ninkiise dhimanayaa haw dhintee, dhibic yar baan baanay
  51. Codkoodii dadbaa lala dhintoo, dheefna aan heline
  52. Dhalanteed kumaydaan dhex lumin, dhib iyo eedaade
  53. Talo idin ma dhaafine xaqaa, dhinaca saarteene
  54. Rejadana halkii ugu dhawayd , dhaanka loo rariye
  55. Dheregteeni way muuqataa, dhawr cishaa hadhaye
  56. Urur dhaafnay hays dhiganinaay, dheeli waa weliye
  57. Dhanka madaxda ii wada sharaxan, aan ku dhiirado e
  58. Dhammow ina Riyaale baarlamaan, golahan ii dhooban
  59. axmed dhaafimaayee ku xige iyo, dhinaca deegaanka
  60. Dhammaantiin kuraas baad rabtaan, waana dhawda haye
  61. Dheyelna maaha oo ina rag bay, ina dhextaalaayee
  62. Hawl wadeenadaa kuu dhibbane, eega dhinaceeda
  63. Dhaqaalana u hura waa bartaad, dheef ka sugayseene
  64. Dhaxan iyo qabow guurahiyo milicda dheemaalka
  65. Dartiin bay u dhalandhoolayaan, dhamacda jiilaale
  66. Dhankiinana ka gala hawshu yey, kala dhantaalaane
  67. Dhaqdhaqaaq UDUB guulahuu, dhaliyey weeyaane
  68. Anna maan dhanbaal mahadnaqiyo, talo u sii dhiibo
  69. Afrtaa dhadhami gabayga waa, lagu dhawaadaaye
  70. Dufays laga difaacaan u ahay, UDUB dhammaanteeye
  71. Dhaliye iyo anaa gooliyoon aan, cidi i dhaafayne
  72. Waayahan dhirbaaxadii ma ridin, dhumucda weynayde
  73. Marse haddaan dufsado hootadoon, UDUB ku soo dhaato
  74. Rag waw dhiiri gelin qaranna waw, dhamac rasaaseede
  75. Ninkiise dhimanayaa haw dhintee, dhibic yar baan baanay
  76. Ururada dhammaantood hadaan, dhab uga faaloodo
  77. Dhawaaqiyo xisbiga qaar maqloon, dhigan duruustiisa
  78. Iyagoon dhexdoodaba habayn, dhidibna aan taagin
  79. Oo aan dastuurkii dhammayn, dhaqanki xeerkooda
  80. UDUB uun dhaleecee badh bay, ugu dhammaataaye
  81. Doorashadu markay soo dhawdee, laysu dhumuc sheegto
  82. Ee laga dhamcaa bay gudida, dhagac ku siiyaane
  83. Dib ha loo dhigooy oohintaa, weliba sii dheere
  84. Anoo taa la dhaygagay waxaa, dhabanahays keentay
  85. Kuwa xarafyo noo soo dhigdhigay, ee ururka soo dheehay
  86. Shicbigaba dhawaanshiyo ka raba, inuu u dhaanteeyo
  87. Ee uu dhawaaqoodu yahay, qorigii aan dhaafnay
  88. Hadaan aniga lay dhiibin saw, dhiig ku qubi maayo
  89. Iyo dhaar la soo taaganahan weliba, soo dhiiran
  90. Iyana waa waxaan hore u dhicin, oo inoo dhimane
  91. Dhallaankii iidiin koray ninkii, dheri la doonaaya
  92. Nabaddaa dhabdhabteen ninkii, kala dhantaalaaye
  93. Dhaayaha shacbigu waa inay dhab u jalleecaane
  94. Dhaqdhaqaaq UDUB guulahuu, dhaliyey weeyaane
  95. Anna maan dhanbaal mahadnaqiyo, talo u sii dhiibo
  96. Afrtaa dhadhami gabayga waa, lagu dhawaadaaye
  97. Dufays laga difaacaan u ahay, UDUB dhammaanteeye
  98. Dhaliye iyo anaa gooliyoon aan, cidi i dhaafayne
  99. Waayahan dhirbaaxadii ma ridin, dhumucda weynayde
  100. Marse haddaan dufsado hootadoon, UDUB ku soo dhaato
  101. Rag waw dhiiri gelin qaranna waw, dhamac rasaaseede
  102. Ninkiise dhimanayaa haw dhintee, dhibic yar baan baanay
  103. Haddii dheel ciyaareed garoon, la iska soo dhoobo
  104. Koobkuna dhexyaal faynalkii, lagu dhammaynaayey
  105. Dhooriyo xariif waa markay kala dhaqaaqaane
  106. Kuwayse guushu dhaaftaa xarrago, way ka dheer tahay
  107. Siidhiwalahu dhinac buu ahaa, kama dhammaadaane
  108. Saw Kumishankii waxa ku dhacay, dhabanhays maaha
  109. UDUB-kani wixii idin dhibuu, dhaafa leeyahaye
  110. Wuu idin dhaqaalaynayaa idina dhawraaye
  111. Dhallaankiyo wixii jilicsan buu, dhabarka saaraaye
  112. Dhamacdiyo dabkii idinku huray, waa kuwii dhuraye
  113. Dhinbiishay arkaan bay dhabiyo, dhakhso u bakhtiiyaane
  114. Shacbigiisa inuu dhaawacana, nagama dhawrtaane
  115. Maantana dhul doogliyo nimcay, ugu dhawaaqeene
  116. Dhaayaha shacbigau waa inay dhab ugu jalleecaane

                                            CARTAN

Tixda 2-aad     

Cali-Dhuux Aadan

 Waxa la tiryey 17-07-2002

 

CARTAN  

Cali-Dhuux Aadan

                         

Tixda 4-aad   

CARTAN

 
  1. Adduunyadan ninkii aarmi lihi, ku andaraashaayo
  2. Adduunyadan ninkii aalad culus, amarka loo dhiibay
  3. Adduunyadan aqoonteedu tahay, aan iswada laynno
  4. Adduunyadan odaygii talada, inanka weydiiyey
  5. Adduunyadan indhaha beeshayee, araggu hooseeyo
  6. Adduunyadan udubdhexaadkii jabeyee, adhaxdu soo ciirtay
  7. Adduunyadan anaa xoog lihiyo, anigu aan baano
  8. Adduunyadan anaa aarasan iyo, aniga ii daaya
  9. Adduunyadan afkaarteedu tahay, erayga shaydaanka
  10. Adduunyadan Ibleyskiyo nin xumi, ugu afroonaatay
  11. Intey Eed fallooyadu wadaan, olole baaskooda
  12. Ee ay ololiyeydaa hayaan, iyo jidh diidkaana
  13. Ee ururku kala leexsan yahay, orodku waa beene
  14. Erayadii Suldaan Timocadde, iyo Afloo odayadii beesha
  15. Arbaw Ina Cigaal iyo raggii, alif bilowgeenna
  16. Arrinkoodu nimankuu ahaa, aadyar wada daaqa
  17. Abtirsiimiyo nimankii necbaa, iyo qabiileysi
  18. Aqoontoodu nimankii dad badan, sii aflixineysey
  19. Aragtidoodu nimankaad ogeyd, maanta waxa jooga
  20. Ururkeenan UDUB bay iyagu, ugu horreeyeene
  21. Afduubkiyo dilkiyo aanaday, ugu necbaayeene
  22. Ergadii Ilaahey u diray ee, arligan joogtey
  23. Afkastaba nimankii ugu turjumey, aayo nololeedka
  24. Afrikay lahaayeen ka dhiga, uliyo diirkeede
  25. Iyagoon adduun iyo ka rabin, adhiyo geel toona
  26. Ayaga dar uunbaa lahaa, way na dagayaane
  27. Uurkutaaladii iyo ciilkii bay, ugu dhinteen taase
  28. Ajar baa Ilaahay ku siin, iilka waasaca e
  29. Ayagiyo intii samo jecleyd Eebbe haw tudho e
  30. Albaabada Jannada ee wacwacan, Eebbe haw fura e
  31. Ururkeenan UDUB baa ka dhigan, odayadeennaase
  32. Ayagaa abaabuley xisbiyo, kowna ka ahaaye
  33. Ayagaa dastuurkiyo sharciga, eed u soo galaye
  34. Ayagaa abaariyo dhib iyo, oon u soo maraye
  35. Awoodeenna guudiyo codkaba, aynnu UDUB siinno
  36. Ayagaa jahliga diidey oo, furey iskuulkiiye
  37. Ayagaa ardaydaa yaryari, ku istareexdaaye
  38. Ayagaa ileys Nuurlehiyo, sida aqoontiiye
  39. Awoodeenna guudiyo codkaba, aynnu UDUB siinno
  40. Ayagaa ganacsatadu doonayaan, iyo agoomuhuye
  41. Ayagaa dadkeennii qurbu, aad u jecelyihiine
  42. Ayagaa abaal ku le arlada, iyo dadweyna e
  43. Awoodeenna guudiyo codkaba, aynnu UDUB siinno
  44. Ayagaa Alluhu waafajoo, ururshey beela e
  45. Ayagaa abaaraha gurmada oo badbaado lehe
  46. Ayagaa Ilaahay dartii, noo axsaan falaye
  47. Awoodeenna guudiyo codkaba, aynnu UDUB siinno
  48. Ayagaa astaan dawladnimo, muujiyoo dhigaye
  49. Ayagaa dhismaha qaran burburey, lagu majeertaaye
  50. Ayagaa shisheeyaha ku yidhi, dawlad baan nahaye
  51. Awoodeenna guudiyo codkaba, aynnu UDUB siinno
  52. Ayagaa wixii aasan iyo, saaro miinada e
  53. Ayagaa kanbaniyaal dalbaday, oo batrool qodaye
  54. Ayagaa dhammaan hay'aduhu, ka amar qaataane
  55. Awoodeenna guudiyo codkaba, aynnu UDUB siinno
  56. Ayagaa axsaabta ugu mudan, uguna door roone
  57. Ayagaa inoo dooni kara, aayihii lumaye
  58. Ayagaa udbihii naga jabiyo, oodba soo gura e
  59. Awoodeenna guudiyo codkaba, aynnu UDUB siinno
  60. Ayagaa aftididan doorashada, aa ka gumarteene
  61. Ayagaa agaasimey nabadda, aa ku hurudaane
  62. Ayagaa amniga noo unkoo, sugay ammaankiiye
  63. Awoodeenna guudiyo codkaba, aynnu UDUB siinno
  64. Ayagaan ciqaamado ku iman, iyo baasaboore
  65. Ayagaan qurbaha nooga iman, ilamo shaydaane
  66. ayagaa in badan joogey, ood isbarateene
  67. Awoodeenna guudiyo codkaba, aynnu UDUB siinno
  68. Ayagaa Illaa aamanuun, u irkanayseene
  69. Ayagaa albaabkii dunida, aad yar noo furaye
  70. Ayagaa la aamini karaa, daacad ugu dhow e
  71. Awoodeenna guudiyo codkaba, aynnu UDUB siinno
  72. Abtirsiinyo ururkooda, iyo UDUB ma dhaafaane
  73. Ayagaa qabiilkiyo naxliga, diidey oo nacaye
  74. Akaadamiga nabadday ayagu, u ololeeyaane
  75. Awoodeenna guudiyo codkaba, aynnu UDUB siinno
  76. Ayagaan asqiyo qaybineyn, aafo iyo beene
  77. Ayagaan afduubkiyo aqoon, inay mna iibshaane
  78. Ayagaan afgooyiyo tegeyn, lama arkaantiiye
  79. Awoodeenna guudiyo codkaba, aynnu UDUB siinno
  80. Ayagaa ammaanada xeja iyo, dhaqaala e
  81. Ayagaan waxa musuqmaasuqeyn, oo la dhaarsadaye
  82. Ayagaa taxliil qabowohoon, bahi weyn qabine
  83. Awoodeenna guudiyo codkaba, aynnu UDUB siinno
  84. Ayagaan ujeediyo lahayn, xeelad gooniyahe
  85. Ayagaan u kala eexanayn, oo dadkaw simane
  86. Ayagaa haddad doorataan, kuu abaal gudiye
  87. Awoodeenna guudiyo codkaba, aynnu UDUB siinno
  88. Ayagaan amaah lagu lahayn, iyo masaariife
  89. Ayagaan aftida iibsaneyn, oon adduun bixinne
  90. Ayagaa kalsoonida bulashada, haysta gebigeede
  91. Awoodeenna guudiyo codkaba, aynnu UDUB siinno
  92. Ayagaa da' yar oon ahayn, hawlgab liitiyahe
  93. Ayagaa afaaraha waqtiga, ugu adeyg roone
  94. Ayagaa araartiyo ku furey, ayga doogga lehe
  95. Awoodeenna guudiyo codkaba, aynnu UDUB siinno
  96. Ayagaan dhlliil badan lahayn, aa ku qanacdeene
  97. ayagaa waxaad tabanysaan, oogta ka caddaye
  98. Ayagaa aqoonsiga ku dhaw, oo ijaabo lehe
  99. Awoodeenna guudiyo codkaba, aynnu UDUB siinno
  100. Afka duulay aayaha qaldamey, adhiga eedoobey
  101. Ee Sacuudigu na yidhi, iibsan kari maynno
  102. Ee Yemen Imaaraadadii, idilba loo diidey
  103. Ashkatada adduunyada ka timid, aynnu garan weyney
  104. Ayagaa wufuudiyo u diri, dhawr aqoonyahane
  105. Ayagay amiirada carbeed, qaar ka baqayaane
  106. Awoodeenna guudiyo codkaba, aynnu UDUB siinno
  107. Ayagaa awala aakhirkana, ugu ayaan roone
  108. Ayagaa Ilaahay barako, weyn inoo geline
  109. Ayagaan u haniyeynayaa, anigu kaygiiye
  110. Ilaahbaan idinku dhaariyee, aynnu UDUB siinno
  111. Awoodeenna guudiyo codkaba, aynnu UDUB siinno
  112. Aqoonsiga adduunkiyo nasriga, iyo masiirkaaga
  113. Aragtida Rayaaliyo cilmiga, yaala golayaasha
  114. Aqoonyahannadeeniyo amniga, iyo abwaankaaga
  115. Ayaad kula xisaabtami mar kale, oo badhaadha ehe
  116. Ummad yahay wax badan baad, dhibiyo umal ku nooleyde
  117. Aasaaska noloshaada guud, iyo tilmaantiisa
  118. Adiguu xil kaa saaran yahay, inaad astaysaaye
  119. Albaabadii rajada oo ballaqan , hays afwaajiyine
  120. ilayska iyo adigoon baqtiin, aaladdiyo laydhka
  121. Afgambiga siyaasigu wadiyo, hubi afkaartaada
  122. Awoodeenna guudiyo codkaba, aynnu UDUB siinno

                                            CARTAN

Tixda 5-aad     

Cali-Dhuux Aadan
 
WELI WAA
QABYO